قصة بنوتة صغيرة فى امريكا

قصة بنوتة صغيرة في امريكا ...؟

اليوم هنعرف مع بعض قصة جميلة جدا

مع بنوتة في امريكا اسمها فرح

يلا مع بعض نشوف قصة فرح

هي هتكلم عن نفسها

يارب تعجبكم... رام أمار

نبدا

هاى انا اسمى فرح عندى 36 سنة دكتورة نسا وولادة مشهورة فى امريكا عشت فى مصر 14 سنة وعشت فى امريكا 22 سنة وحيدة والدى والدتى مليش اخوات ولا قرايب مليش غير خال واحد عايش فى امريكا انا بكتب قصتى لتكون عبرة للعايز يسافر برة وخاصتا بلد الانحراف او امريكا فى ناس منكم هتقول واحنا مالنا دكتورة وبتكتب قصة للعبرة ازى يعنى لو قراتوا معايا هتعرفوا اكتبها ازى يعنى للعبرة يلا نشوف



فى يوم من الايام فى بيت امى وابى دار بينى وبين امى حوار

ماما: فرح يا فرح يلا حبيبتى قومى اكنسى البيت لانى مش قادرة

فرح: يادى النيلة هو يا ماما انا بصعب عليكى انى اقعد شوية لازم تشغلينى فى البيت

ماما : تقعدى شوية انتى قاعدة طول الليل والنهار قدام الكمبيوتر كان يوم اسود يوم ما جبتهولك يا بنتى انتى فى ثانوى ذاكرى شوية الكمبيوتر مش هيطير

انا : يا ماما انا لسة فى اولى ثانوى يعنى مش لازم المجموع وكمان يا ماما انا عايزة ادخل ادبى واجيب اى مجموع وادخل كلية وخلاص

ماما : ادبى !ده من امتى ان شاء الله انتى هتدخلى علمى وغصب عنك هتطلعى دكتورة ده الى انا ابوى بنحلم بيه من اول ما خلفناكى

انا: اديكى قولتليها انتى وبابا مش حلمى انا مع انا الى هتذاكر وهيطلع عنها وفى الاخر متدخلش الى انا عيزاه بصراحة بقى انا مليش فى العلمى مش مستويا وانا مش عيزة

ماما : لا مستواكى ونص كمان وانتى لو عايزة هتطلعى الاول كمان انا عرفاكى كويس عنادية ودماغك ناشفة وذكاية بس عندك ده تطلعيه على نفسك

انا : يا ماما انا عايزة ادخل ادبى واريح دماغى واخش اى جامعة واتجوز واقعد فى البيت مالى انا ووجع الدماغ الى اسمه علمى ده

ماما : ايه يا بت الكلام ده انتى لسة صغيرة وكمان مين الى ملى مخك بالكلام ده

انا : يا ماما كبرى الجمجمة هو ادبى وخلاص

ماما : ايه يا بت كبرى الجمجمة دى حبتى منين الكلام السوقى ده
وكمان انا قولت كلمة ومش هتنيها هو علمى واتفضلى اقفلى ده وروحى ذاكرى


انا : بقولك يا ماما انا هدخل الى انا عيزاه ومش هدخل علمى ماشى انا حرة

ماما : انتى بترودى عليا يا قليلة الادب وراحت ضربانى بالقلم وكانت اول مرة ماما تضربنى بالقلم

قعدنا متخصمين 3 ايام وبعدين صلحتها وفى يوم رن تليفون بتنا

يتبع....





لو عجبتكم هكمل

اكمل ولالا

المهم الحلقة الثانية


فى يوم تليفون بتنا رن

ماما: الو مين معايا عبد العزيز ازيك يا عبده عامل ايه وازى العيال منى ومحمد وسعد عاملين ايه بخيرانا الحمد لله المهم انكم كلكم بخير فرح اهى معاك اهى
انا : الو ازيك يا خالو واحشنى اوى هتيجى امتى بقى هتيجى قريب والله وهتجيب معاك محمد سعد ومنى يا ريت يا خالو اصلهم واحشونى اوى اناىالحمد لله الدراسة كويسة الحمد لله ماما اهى معاك
ماما : هيجى امتى يا عبد العزيز فى الصيف بالسلام محمد رسول الله مع السلامة

انا : يا باختوا يا ماما يا بختوا

ماما: يا بختوا على ايه
انا : عايش فى امريكا مليونير من احنا

ماما: واحنا مالنا ما احنا كويسين ومستورين الحمد لله رضا

انا : كويسين ! احنا عايين فى مصر يبقى كويسين ازى

ماما: ما لها مصر بلدك وعايشين فيها احسن من غيرنا

انا : بالله عليكى يا ماما بلاش كلمة احسن من غيرنا دى علشان انا طهقط منها احنا احسن من غيرنا بدلليل ان انا مش بجيب هدوم جديدة غير فى العيد الصغير بس ده حتى العيد الكبير مش بجيب فيه واللحم الى بنكولها كل شهرين ثلاثة ده غير الزحمة والقرف ده انما امريكا يا سلام على امريكا نظاموهدوءوتعليم عادل والاكل مالى لدنيا هناك استغفر الله العظيم ده حتى بيمه من كتره

مام: ايوة كدة استغفرى ربنا وبلاش البطر الى انتى فيه ده على النعمة لاحسن تزول من وشك وكمان مالها بلدك دى بلدك يا فرح لازم تحبيها تحطيها فوق راسك كمان حتى لو كانت اوحش بلد فى العالم

انا : خلاص خلاص هو الواحد ميعرفش يفطفط شوية معاكى انا اسفة انى بقول راى

بعدها باسبوع حلمت حلم غريب اوى اوى مفهمتوش الا بعد فوات الاوان حلمت خير

حلمت انى وسط حديقة جميلة فيها لعب وجاحات جميلة ومعايا ماما وبابا فجاءة الحديقة بقت غابة مليانة حيوانات متوحشة وماما وبابا اختفوا وانا تيهة فيها مش عارفة اروح فين فضلت امشى واجرى والحيوانات تجرى ورايا لغايت ما وصلت قصر كبير وجميل ومليان ناس معرفهمش كلهم بيتملقوا ليا بيضحكونى وناس شكلها حلو اوى وفجاءة لالقصر بقى بحر عميق ملوش قرار وانا عمالة بغرق فيه مش عارفة اطلع لاغايت ما لقيت قشة اتلعق فيها وطلعت من البحر لقيت نفسى وسط زرع اخضر جميل جدا و ومعايا ناس لبسين ابيض وشكلهم حلو اوى المهم صحيت من النوم وانا بصب فى عرق ومش فاهمة الحلم بس بعد كدة اكتشفت ان الحلم عبارة عن حياتى الى فاتت والى بعيشها والى جاية بلاش نسبق الاحداث فى يوم امى وابى كانو مسافرين يزورو واحدة جارتهم من زمان عايشة فى القاهرة اتحيلت عليهم اروح معاهم مرضوش روحت زعلانة حتى مرتضش اسلم عليهم احنا اصلا من المنصورة المهم بعد ما مشو بساعتين جالى تليفون
يتبـــــــــــــــــع